Një burrë dhe një grua, janë dërguar pas hekurave për posedim të një sasie të madhe hashashi në Greqi.
Sipas mediave greke, bëhet fjalë për 52-vjeçar grek dhe një grua 42-vjeçare shqiptare. Ata u arrestuar pak ditë më parë pasi iu gjet nga policia sasi e madhe lënde narkotike në automjet dhe në banesë.
Sipas informacioneve të Cretapost, gjatë kontrollit, në zotërim të tyre është gjetur sasia më e madhe e kanabisit të gjetur ndonjëherë në rajon.
Pas rrëfimit të tyre, hetuesi dhe prokurori e kanë parë të nevojshme mbajtjen e tyre në paraburgim, për pasojë kanë mbetur prapa hekurave nga pasditja e së mërkurës, 24 prill.
Brenda makinës kanë gjetur 10 kilogramë hashash ndërsa më pas kanë vazhduar kontrollin e shtëpive dhe vendeve që përdornin në zonën e bashkisë Agios Nikolaos dhe Ierapetra.
Në total gjetën dhe sekuestruan:
10 kilogramë e 586 gramë kanabis
13.5 gram kokainë
Shuma e parave prej 23 770 euro dhe 50 paund britanike si të ardhura nga veprimtari të paligjshme
4 peshore
3 celularë
Paketim najloni
Pajisja mbyllëse hermetike
1 revolver (kopje)
Njëkohësisht makina është konfiskuar si mjet për kryerjen e veprave penale.